Faa'iidooyinka Caafimaad Ee Baabayga 

BAABAY

Hubaal, babaygu waa casiir macaan. Laakiin ma ogtahay in faa'iidooyinka caafimaad ee midhaha babaygu ay bedeli karaan caafimaadkaaga?

Babaayga waxaa ku jira enzyme loo yaqaan papain, kaas oo jebin kara silsiladaha borotiinka adag ee laga helo hilibka muruqa. Sababtaas awgeed, dadku waxay isticmaali jireen babayga si ay hilibka u jilciyaan kumanaan sano ka hor. 

Babaygu hadduu bislaado, waxa la cuni karaa qaydhiin. Si kastaba ha ahaatee, babayga aan bislaan waa in had iyo jeer la kariyaa ka hor inta aan la cunin - gaar ahaan xilliga uurka, maadaama midhaha aan bislaan ay ku badan yihiin cinjirka, taas oo kicin karta foosha

Faa'iidooyinka caafimaad ee isticmaalka babayga waxaa ka mid ah khatarta cudurrada wadnaha oo yaraada, sonkorowga, kansarka, caawinta dheefshiidka, hagaajinta xakamaynta gulukooska dhiigga ee dadka qaba xanuunka macaanka, hoos u dhigista cadaadiska dhiigga, iyo hagaajinta bogsashada dhaawaca.

Baabayga waa miro jilicsan oo loo isticmaali karo siyaabo kala duwan.

Faa'iidooyinka

Nafaqooyinka laga helo babayga waxey leeyihiin faa'iidooyin caafimaad oo kala duwan. Waxaa kaa caawiyaan karaan  dhowr xaaladood oo caafimaad.

Ka hortagga Cudurka Neefta

Khatarta ah in ay ku dhacdo neefta way ku yar tahay dadka isticmaala xaddi badan oo nafaqooyinka qaarkood ah. Mid ka mid ah nafaqooyinkan waa beta-carotene, oo ku jira cuntooyinka sida babayga, khudaarta, brokoli, Batiikh, bocorka, iyo karootada.

Kansarka 'Cancer'

Isticmaalka beta-carotene-ka-antioxidant, ee laga helo babaayga, waxa ay yarayn kartaa khatarta kansarka. Ragga da'da yar, isticmaala  cuntooyinka hodanka ku ah ama ku badan  beta-carotene ayaa laga yaabaa inay door ka ciyaaraan ka hortaga kansarka qanjirka 'prostate',.

Daraasadaha qaarkood waxay soo jeedinayaan in babaygu leeyahay waxyaabo liddi ku ah kansarka oo ka ilaalin kara noocyada kala duwan ee kansarrada oo ay ku jiraan kan ilmo-galeenka, naaska, beerka, sambabada, iyo beeryarada. Qani ku ah antioxidants sida lycopene, beta-carotenes, iyo carotenoids.

Dheefshiidka

Baabayga waxaa ku jira enzyme loo yaqaan papain oo caawiya dheefshiidka. Baabayga ayaa sidoo kale waxaa ku badan maadada fiber-ka iyo biyaha, labaduba waxay caawiyaan ka hortagga calool-istaagga waxayna kor u qaadaan joogtaynta iyo habka dheef-shiidka caafimaadka leh.

Baabayga waxa uu ka kooban yahay laba enzymes proteolytic, papain iyo chymopapain, kuwaas oo hagaajinaya dheefshiidka. Enzymes-yadani waxay caawiyaan inay burburiyaan oo ay dheefshiidaan borotiinnada, oo sidaas loo yaqaan kaaliyeyaasha dheefshiidka ee xoogga leh. Marka laga reebo tan, babaygu wuxuu kaloo fududeeyaa calool-istaagga.

Cudurada Ku Dhaca Wadnaha 

Mirahani waxa kale oo ay ka caawiyaan in ay yareeyaan khatarta wadno-qabadka, waana fiber, potassium, iyo vitamin-ka ku jira waxa ay kor u qaadaan caafimaadka wadnaha ee wanaagsan.

Fiberka, potassium, iyo fiitamiinnada ku jira babaygu waxay dhammaantood caawiyaan in ay kaa ilaa liyaan ama ka hortagann cudurrada wadnaha ku dhaca.

Caafimaadka Timaha

Baabayga ayaa sidoo kale aad ugu fiican timaha sababtoo ah waxaa ku jira fitamiin A, oo ah nafaqo looga baahan yahay soo saarista sebum, kaas oo ilaaliya timaha quruxdooda. Faytamiin A wuxuu kaloo lagama maarmaan u yahay koritaanka dhammaan unugyada jirka, oo ay ku jiraan maqaarka iyo timaha.

Nafaqada laga helo Baabayga

Hal babaay ayaa leh qiyaastii:

120 kalori

30 garaam oo karbohaydrayt ah - oo ay ku jiraan 5 garaam oo fiber ah iyo 18 garaam oo sonkor ah

2 garaam oo borotiin ah

Baabayga sidoo kale waa ilaha ugu  wanaagsan ee laga helo:

• Folate
• vitamin A
• Magnesium
• Copper
• Pantothenic acid
• Fiber